HR_blog_uz - Telegram Channel

📚 “KUNLIK BILIM” — 12-HAFTA

🎯 Mavzu: Kasbiy aniqlik — xatosiz ishlashning to‘rt ko‘nikmasi

Ish jarayonida bitta noto‘g‘ri raqam, noto‘g‘ri talqin yoki e’tiborsizlik katta muammoga sabab bo‘lishi mumkin. Shu bois bu hafta kasbiy faoliyatda aniqlik va xatolarning oldini olishga xizmat qiladigan muhim ko‘nikmalarni o‘rganamiz.

📌 2-noyabr, dushanba
🔹 Normativ hujjatdan kerakli normani topish va to‘g‘ri qo‘llash
Qarorlarni taxmin yoki shaxsiy fikrga emas, aniq huquqiy norma va asosga tayangan holda qabul qilish.

📌 3-noyabr, seshanba
🔹 Ko‘rsatkichni to‘g‘ri hisoblash: ulush, daraja, foiz va foiz punkti
Hisobotlarda raqamlarni to‘g‘ri hisoblash, natijalarni aniq talqin qilish va matematik xatolarni kamaytirish.

📌 4-noyabr, chorshanba
🔹 Shaxsga doir ma’lumotni yuborishdan oldin 4 savol
Ma’lumotni yuborishning qonuniy asosini, zarur hajmini va xavfsiz kanalini tekshirish orqali shaxsiy ma’lumotlarni himoya qilish.

📌 5-noyabr, payshanba
🔹 Hamkasbga ishni to‘g‘ri o‘rgatish: 4 bosqichli yo‘riqnoma
Yangi xodim yoki yangi tartib bo‘yicha hamkasb ishni birinchi urinishdayoq to‘g‘ri bajarishi uchun aniq va tushunarli yo‘riqnoma tuzish.

📌 6-noyabr, juma
✅ Hafta yakuni testi — o‘rganilgan bilimlarni mustahkamlash.

💡 Bu haftaning asosiy maqsadi — huquqiy asosga tayanish, raqamlarni to‘g‘ri hisoblash, ma’lumotlarni himoya qilish va ishni xatosiz bajarish ko‘nikmalarini rivojlantirish.

Aniqlik — kasbiy mahorat belgisi. Xatosiz ish esa ishonchli natijaning asosi! 🎯

📱 Telegram  📱  Instagram  
📱YouTube 🌐 Sayt

📢 HURMATLI KUZATUVCHILAR!

Bugun kun davomida "Kunlik bilim" loyihasi bo'yicha 26-29-oktabr kunlari joylashtirilgan darslar asosida bilim testi o'tkaziladi.

📚 Test 4 ta mavzuni qamrab oladi:

Ish jarayonlarini soddalashtirish:

- Xizmat jarayonini chizish: jarayon xaritasi;

- Isrofni topish: davlat xizmatidagi 8 turdagi isrof;

- Shikoyatlardan saboq: Pareto tahlili;

- Ish tartibini yozib qoldirish: standart operatsion tartib (SOP).

✅ Jami 20 ta savol, har biri 5 ball — umumiy 100 ball.
🎯 O'tish bali — 56 ball.

⏰ Testni bugun soat 17:00 ga qadar topshirish mumkin.

Testni topshirishdan oldin darslarni diqqat bilan o'qib chiqishingizni tavsiya qilamiz. Natija avtomatik hisoblanadi va pochtangizga yuboriladi.
Omad tilaymiz! 🍀

Aytganday testni faqat bir marta topshirish mumkin.

👇 Testni yechish uchun havola:
https://docs.google.com/forms/d/e/1FAIpQLScOynWlpjYNyDTDV2vYAdDvDd6JMRPZ79vKEpI8tG5jK0sKKQ/viewform

🔁 Takrorlash vaqti!

«Kunlik bilim» loyihasining 11-haftasida ish jarayonlarini soddalashtirish yo‘nalishida quyidagi mavzularni o‘rgandik:

🗺 Xizmat jarayonini chizish (SIPOC) — yetkazib beruvchi, kirish, jarayon, chiqish va iste’molchi.

⏳ Davlat xizmatidagi 8 turdagi isrof — kutish, takroriy ish, qayta ishlash va foydalanilmagan salohiyat.

📊 Shikoyatlardan saboq: Pareto tahlili — muammolarni sanash, kattadan kichikka tartiblash va jamg‘arma ulushini aniqlash.

📋 Ish tartibini yozish: SOP — har bir qadamni aniq belgilash va xodim ishni xatosiz bajara olishini tekshirish.

📌 Juma kungi bilim testidan oldin takrorlash kartasini diqqat bilan ko‘rib chiqing va haftaning eng muhim g‘oyalarini yana bir bor eslab oling.

Bilimni takrorlang, amalda qo‘llang va testda yuqori natija qayd eting! ✅

📱 Telegram  📱  Instagram  
📱YouTube 🌐 Sayt

Telegram media post

📋 Kunlik bilim loyihasi — Payshanba

Ish tartibini yozib qoldirish: standart operatsion tartib (SOP)

Qabul xodimi ta’tilga chiqdi. O’rniga o’tirgan hamkasb ishni biladi, lekin tartibini bilmaydi: hujjatlar yana og’zaki aytiladi, ma’lumot yana qog’ozga ham yoziladi. Bir haftada shikoyatlar yana ko’paydi. Bu hafta jarayonni chizdik, isrofni topdik, eng katta muammoni aniqladik. Bugun yechimni saqlab qolishni o’rganamiz:

✅ Bir sahifalik SOP: Maqsad → Kim → Nima kerak → Raqamlangan qadamlar → Nazorat (kim tasdiqladi, qachon qayta ko’riladi)

✅ Har qadam fe’l bilan boshlanadi va bitta harakatdan iborat bo’ladi

✅ “Yangi xodim testi”: ishni hech qilmagan hamkasb faqat SOP bilan, savolsiz bajara olsin

Ilova qilingan taqdimot va ma’ruza bilan tanishing. Amaliy varaqdagi shablon bilan eng ko’p takrorlanadigan bitta ishingizga SOP yozing.

Eslatma: ertaga — juma. Haftalik test bo’ladi: jarayon xaritasi, 8 turdagi isrof, Pareto tahlili va SOP. Eng faol ishtirokchilar taqdirlanadi! 🏆

Ilmiy asos: U.S. EPA (SOP tayyorlash qo’llanmasi, 2007) · Haynes va boshq. (NEJM, 2009).

📱 Telegram  📱  Instagram  
📱YouTube 🌐 Sayt

Telegram media post

📊 Kunlik bilim loyihasi — Chorshanba

Shikoyatlardan saboq: Pareto tahlili

Har bir shikoyatga javob yoziladi, muddatida yopiladi — hisobotda hammasi joyida. Lekin keyingi oy yana o’sha shikoyatlar keladi: boshqa fuqarolardan, xuddi shu sabab bilan. Chunki shikoyatlar bittalab ko’riladi, to’plam sifatida emas. Bugun shikoyatlardan eng katta sababni topishni o’rganamiz:

✅ Pareto tamoyili: muammolarning katta qismi oz sonli sabablardan kelib chiqadi (taxminan 80/20)

✅ 4 qadam: tasniflang (sabab bo’yicha, mavzu bo’yicha emas) → sanang → kamayish tartibida tartiblang → birinchi 1–2 sababni hal qiling

✅ Birinchi sababni topgach: “5 Nega” bilan ildizini, jarayon xaritasidan joyini, 8 isrofdan turini aniqlang

Ilova qilingan taqdimot va ma’ruza bilan tanishing. Amaliy varaqdagi “Pareto jadvali”ga oxirgi bir oydagi murojaatlaringizni soling — 30 daqiqada eng katta muammo ko’rinadi.

Eslatma: har shikoyat — bepul maslahat. Hamma muammoni emas, eng ko’p takrorlanadiganini birinchi hal qiling. 🎯

Ilmiy asos: ASQ (Pareto diagrammasi — 7 ta asosiy sifat vositasidan biri) · Joseph Juran.

📱 Telegram  📱  Instagram  
📱YouTube 🌐 Sayt

«O‘rmonda hammasi joyida» 🦊🐦‍⬛🫏 Tulki, Qarg‘a, Eshaklar va hali sahnaga chiqmagan boshqa personajlar haqida to‘qima hikoyalar to‘plami. 😄 Jorj Oruellning «Molxona» asaridan ilhomlanib… O‘xshashliklar? Albatta, tasodif. ))) 📱 Telegram  📱  Instagram   📱YouTube 🌐 Sayt

Telegram media post

🔍 Kunlik bilim loyihasi — Seshanba

Isrofni topish: davlat xizmatidagi 8 turdagi isrof

Kechagi xaritada ko’rdik: haqiqiy ish 40 daqiqa, fuqaro uchun esa 3 kun. Xodimlar kun bo’yi band, lekin vaqtning katta qismi imzo kutish, hujjatni xonadan xonaga olib yurish, ma’lumotni ikki marta kiritishga ketadi. Bular — isrof. Bugun ularni topish va kamaytirishni o’rganamiz:

✅ 8 turdagi isrof: kutish, qayta ishlash, ortiqcha ishlov, ortiqcha ishlab chiqarish, tashish, ortiqcha harakat, to’planib qolish, foydalanilmagan salohiyat

✅ Har qadamni baholang: Qiymat (fuqaroga natija) · Zarur (qonun talabi) · Isrof (olib tashlasa bo’ladi)

✅ “Zarur” qadamni olib tashlamang — tezlashtiring. Eng katta 1–2 isrofdan boshlang

Ilova qilingan taqdimot va ma’ruza bilan tanishing. Amaliy varaqdagi “Isrof ovchisi varag’i”ni kechagi xaritangizga qo’llang va bitta kichik o’zgartirishni rahbarga taklif qiling.

Eslatma: odamni emas, jarayonni tuzating. Isrof kamaysa, xodim ko’proq ishlamaydi — fuqaro kamroq kutadi. ⏱️

Ilmiy asos: Taiichi Ohno (Toyota ishlab chiqarish tizimi) · Lean Enterprise Institute.

📱 Telegram  📱  Instagram  
📱YouTube 🌐 Sayt

Telegram media post

🗺 Kunlik bilim loyihasi — Dushanba

Xizmat jarayonini chizish: jarayon xaritasi

Fuqaro ro’yxatga olinish uchun keldi: navbat, hujjat tekshirish, ariza, imzo kutish. Hujjati to’liq bo’lmagani uchun ertasi kuni qaytib keldi. Har bir xodim o’z qismini to’g’ri bajargan, lekin fuqaro uchun xizmat 3 kun davom etdi. Sabab — butun jarayonni boshidan oxirigacha hech kim ko’rmagan. Bugun xizmatni bir varaqda ko’rinadigan qilishni o’rganamiz:

✅ Jarayon xaritasi — 4 belgi: boshlanish/tugash, qadam, qaror (“ha/yo’q”), kutish

✅ Har bir qadamga yozing: kim bajaradi, qancha ishlanadi, qancha kutiladi

✅ Xaritadan toping: eng uzun kutish (tiqilinch) va fuqaro orqaga qaytadigan joy (qaytish halqasi)

Ilova qilingan taqdimot va ma’ruza bilan tanishing. Amaliy varaqdagi shablon bilan eng ko’p murojaat qilinadigan bitta xizmatingiz xaritasini hamkasblar bilan birga chizing.

Eslatma: nizomdagi “qanday bo’lishi kerak”ni emas, amalda “qanday bo’layotgan”ini chizing. Ko’rinmagan jarayonni yaxshilab bo’lmaydi. Bu haftaning keyingi darslari aynan shu xaritaga tayanadi. 🔍

Ilmiy asos: ASQ (American Society for Quality) — jarayon xaritasi, 7 ta asosiy sifat vositasidan biri.

📱 Telegram  📱  Instagram  
📱YouTube 🌐 Sayt